મૂળ વતન : અરવિંદ ટાંક સૌરાષ્ટ્ર, હાલાર પ્રદેશ ગામ : મેઘપુર જિલ્લો : જામનગર હાલ : હિંમતનગર અભ્યાસ : બી.એ. એક્સ્ટર્નલ વ્યવસાય : કન્સ્ટ્રક્શન શોખ : વાંચન, લેખન, પ્રવાસલેખન ક્ષેત્ર 2013માં ‘ગોખ’ નિબંધસંગ્રહને ગુજરાત સાહિત્ય અકાદમી દ્વારા પ્રથમ પારિતોષિક મળ્યું. સાહિત્યના બધા જ પ્રકારોમાં ખેડાણ કર્યું છે. સાહિત્યિક કૃતિઓ શિષ્ટ સામાયિકોમાં પ્રકાશિત થાય છે. હિંમતનગર સાહિત્ય સભામાં સંયોજક તરીકે કાર્યરત છે. પરિવારમાં કોઈને અડચણ ન પડે એટલે રાત્રિ દરમિયાન બેથી પાંચ બહાર ઓસરીમાં નગરપાલિકાના લાઇટના થાંભલા નીચે ખાટલામાં બેસીને લખવું એ તેમનો ક્રમ છે. સાત નવલકથા, ચાર નિબંધસંગ્રહ, બે વાર્તાસંગ્રહ, બે ગીતસંગ્રહ, ચાર લઘુકથાસંગ્રહ પ્રકાશિત થવાની રાહ જોઈ રહ્યા છે.