Edger Allan Poe
1 Book / Date of Birth:- 19-01-1809 / Date of Death:- 07-10-1849
એડગર ઍલન પો અમેરિકન રોમાંચવાદના કવિ, લેખક, સંપાદક અને વિવેચક હતા. તેઓ પોતાની રહસ્ય અને ભયાનક વાર્તાઓ માટે જાણીતાં હતા. તેઓ પહેલાં અમેરિકન લેખક હતાં જેમણે માત્ર લેખન દ્વારા જ ગુજારો કરવાનો પ્રયત્ન કર્યો.તેમનો જન્મ બોસ્ટનમાં થયો હતો. તેમણે વર્જિનિયા યુનિવર્સિટીમાં ૬ માસના સત્રનું શિક્ષણ લીધું પરંતુ પૈસાના અભાવે ભણતર અધૂરું છોડવું પડ્યું અને સૈન્યમાં ભરતી થયા. કેડેટની પરીક્ષા પાસ ન કરવાને કારણે તેમણે સૈન્ય પણ છોડવું પડ્યું. ૧૮૨૭માં તેમની પ્રથમ રચના ‘તૈમૂરલંગ અને અન્ય કવિતાઓ’ પ્રકાશિત થઇ. જેમાં તેમણે તેમના નામની જગ્યાએ એ બોસ્ટેનિયન (બોસ્ટનનો એક નિવાસી) લખ્યું હતું. ત્યારબાદ તેમણે ગદ્ય પર ધ્યાન આપ્યું અને કેટલાંક વર્ષો સુધી સાહિત્યનાં પ્રકાશનોમાં વિવેચક તરીકે કામ કર્યું. જાન્યુઆરી ૧૮૪૫માં તેમણે ‘ધ રેવન ’ નામની કવિતા પ્રકાશિત કરી, જે અત્યંત લોકપ્રિય બની. તેમણે પોતાનું પ્રકાશન ‘ધ પેન્ન’ પ્રકાશિત કરવાની તૈયારી કરી, પરંતુ એ પહેલાં જ તેમનું મૃત્યુ થયું.પો ની શૈલીને "ગોથિક" કહેવામાં આવે છે. તેમણે ‘ઓગસ્ટ દ્યુપિન’ નામના જાસૂસની રચના કરી જે બાદમાં શેરલોક હોમ્સ અને હરક્યુલસ પ્વારો જેવા પાત્રોની પ્રેરણા બન્યું.

Showing the single result