Thoughtsup

થોટ્સઅપ એટલે અનોખો વિચારમેળો

સોશિયલ મીડિયાની ગૅલક્સીમાં છેલ્લા અડધા દાયકાથી એક ગ્રહ-નક્ષત્ર ઉમેરાયું એનું નામ વ્હૉટ્સઍપ. આ ઍપ્લિકેશને દુનિયાને અંગૂઠાના ટેરવે જોડી દીધી. સ્માર્ટફોન વિચારો વહાવવાનું મહત્ત્વનું માધ્યમ બની ગયો. જોક્સ, કવિતા, વીડિયો બધું શેર થાય. વ્હૉટ્સઍપ એ ટૅક્નૉલૉજીના ક્ષેત્રે એક જાદુઈ લાગે એવું સ્ટેપ છે. દુનિયા આજે ટૅક્નિકલી તો સતત અપ થઈ રહી છે, પણ વૈચારિક વિકાસ અટકી ગયો છે. વ્હૉટ્સઍપ, એફબી, ટ્વીટરનું સ્વાગત, પણ એમાં ફક્ત હાઇ, હેલો, જી.એમ., જી.એન., જે.એસ.કે. થોડું હોય? એટલે આ પુસ્તકનું નામ ‘થોટ્સઅપ’ રાખ્યું છે. થોટ્સઅપ એટલે ઉચ્ચ વિચાર. અહીં સાવ સરળ ભાષા અને શૈલીમાં ટૂંકા કહી શકાય એવા ચિંતનશીલ લેખો છે. સોશિયલ મીડિયા, પ્રેમ, મોટિવેશન, વાંચન, ધર્મ જેવા વિષયો સમાવાયા છે અને એના પરનો એક મુક્ત વિચારવિહાર અહીં થયો છે.