Pachha Valvun

વીનેશ અંતાણીની વાર્તાઓ માનવમનનાં ઝીણાંમાં ઝીણાં સંવેદનોને વિશિષ્ટ અને આગવી શૈલીમાં પ્રગટ કરે છે. તેઓ બહારથી સાદી અને સામાન્ય દેખાતી પરિસ્થિતિઓમાંથી વાર્તાનું બીજ પકડી તેની કલાત્મક માવજત કરે છે. એમની વાર્તાઓ બાહ્ય ઘટનાઓના વજન નીચે કચડાઈ જતી નથી, તો ઘટનાઓનો સાવ છેદ પણ ઉડાડતી નથી. એમણે એમના પાંચમા વાર્તાસંગ્રહ ‘પાછા વળવું’ની વાર્તાઓમાં જિવાતા જીવનની સંકુલતાની સમાંતરે માનવમનનાં સૂક્ષ્મતર સંવેદનોને એમની સાહજિક એવી કળાત્મક શૈલીમાં અભિવ્યક્ત કર્યા છે.