Chhello Katoro Amaratno

વર્ષાની જલધારાઓ ત્રાટકે અવનિ પરે;
ગિરિતરુવરો સૌને શ્રીકાર જલથી કરે.
પત્ર-પુષ્પ-ફળો ભીનાં ધૌતગાત્ર હસી રહ્યાં;
નદીનિર્ઝરનાં અંગો નર્તનોમાં વહી રહ્યાં.
એમાં આ એક યોદ્ધો શો ફુવારો રણશૂર તે;
ઝૂઝે છે એકલો વચ્ચે સૌની મસ્તક ઉન્નતે.
નાનો ને નબળો તોયે હતાશા સેવતો નથી;
ઊંચે ઊડી રહ્યો તેનું અભિમાન ભૂલ્યો નથી.
પ્રચંડ ગતિ કિન્તુ તે રહી નિમ્ન દિશા ભણી;
ભલે નાની છતાં મારી ગતિ ઊર્ધ્વ દિશા તણી.
શોભે ના ગર્વ કોઈને સત્ત્વશીલ છતાં અહો;
કામના દુ :ખતપ્તોના આર્તિનાશ તણી રહો.
(અનુષ્ટુપ) ગુણવંત શાહ