Ghere Gher Lilalaher

ઘેરે ઘેર લીલાલહેર…
એટલે કે… આપણા સૌને ઘેર લીલાલહેર!
આપણને સૌને એક જાદુઈ ચાવી બતાવે છે મીનાક્ષીબહેન, આ હાસ્યગ્રંથના હળવા નિબંધોમાં, હાસ્યકથાઓમાં!… કઈ ચાવી?
હસી પડવું… એ!
પોતાના ઘરમાં, કુટુંબમાં, સ્નેહીઓમાં, મિત્રોમાં, પશુ-પંખીઓમાં, ચીજવસ્તુઓમાં, આખા મુંબઈ શહેરમાં આનંદ આનંદ જ જોવાની મીનાક્ષીબહેને દૃષ્ટિ કેળવી છે.
જીવનની નાની-મોટી તકલીફો, ગેરસમજો, ભૂલો, મુશ્કેલીઓમાંથી પસાર થતાં, અથડાતાં, પછડાતાં, ઊભા થઈ જતાં પાત્રો અને લેખિકા પોતે પણ – અંતે હસી પડે છે અને હસાવી જાય છે આપણને, વાચકોને!
અહીં નર્મમર્મભર્યો વિનોદ છે, તો ઊર્મિઓની આછી લહેરોય છે. મીનાક્ષીબહેનની એકથી વધુ પારિતોષિકો જીતી ગયેલી સ્મરણકથા ‘અંજની, તને યાદ છે?’ – એણે વાચકોમાં લેખિકાની ગરવી પ્રાસાદિક, મનોરમ શૈલીનું આકર્ષણ ઊભું કરેલું.
અહીં મીનાક્ષીબહેનના મધુર વ્યક્તિત્વની ‘કંપની’ ચાલો, ફરીથી માણીએ!