Mama Nu Ghar Ketle

વ્હાલા બાળદોસ્તો,
મારા બાળપણને વાગોળીને મેં આ બાળગીતો તમારાં માટે લખ્યાં છે. મારી માતૃભાષામાં શ્વસ્તી તમામ ગુજરાતી માતાઓ અને બહેનોને આ એક ભાઈ તરફથી ભેટ છે. સાંઈમામાનાં આ બાળગીતો કોઈ સલાહસૂચન કે વેદનાઓનો M.R.I. નથી પરંતુ તમારા બાળક માટેની ભગવદ્ગીતા છે.
આ બાળગીતો તો જીવતરનો જલસો છે અને બાળપણને ઊજવવાનો નુસખો છે. વીડિયો ગેઇમ, P.S.P., મોબાઇલ, ટી.વી. અને કાર્ટૂન નેટવર્કમાં ચ્યૂઇંગમની જેમ ચોંટી ગયેલાં આ બાળરાજાઓને ફરી એકવાર રમતના મેદાન તરફ અને બાળપણની મસ્તીમાં ખેંચી જવાનો મારો નમ્ર પ્રયાસ છે.
`મામાનું ઘર કેટલે?’ તમારા બાળકના એટલે કે મારા ભાણુભા અને ભાણકીઓની બાળમસ્તી અખંડ, અણનમ અને અકબંધ રાખવા માટે જ સર્જાયું છે.
હવે, ભાણિયા’વ તમને આ પુસ્તકમાંથી તમારા સવાલોના હળવાફૂલ જવાબો મળશે તો ખડખડાટ હસાવતા જોક્સની સાથે અનોખા ઉખાણા પણ મળશે.
હાલો, હવે ભાણુભા-ભાણીબેન દફતર પાટી મૂકો. કાર્ટૂન બાર્ટૂન છોડો, ટી.વી. સાથે નાતો તોડો અને બાલગીતો તરફ દોડો.
—તમારા જ, સાંઈમામા