Management Funda

વાત પ્રાઇવેટ સેક્ટરની હોય કે પબ્લિક સેક્ટરની, વાત ઘરઆંગણની હોય કે સમરાંગણની, મૅનેજમૅન્ટ વગર ક્યાંય ચાલવાનું નથી.
સમયનું, નાણાંનું અને સંબંધોનું મૅનેજમૅન્ટ કરતાં આવડે એના જીવનમાં નિરાશા ક્યારેય પ્રવેશે જ નહીં. કોઈ પણ વ્યવસાય કે વ્યવહારની કરોડરજ્જુ છે મૅનેજમૅન્ટ. સફળતાના શિખરે પહોંચવા માટે પરિશ્રમનાં પગથિયાં ચડવાં પડે છે, પણ એ માટેનું કોઈ મૅનેજમૅન્ટ ન કર્યું હોય તો એ પરિશ્રમ એળે જાય અને છેવટે એ પરિશ્રમ પારસમણિ બનતાં બનતાં રહી જાય છે. કોઈ પણ કાર્યને સરળ અને સહજ બનાવવાની તાકાત મૅનેજમૅન્ટમાં હોય છે. સાચું મૅનેજમૅન્ટ જ આપણને સમસ્યામાંથી ઉકેલ તરફ દોરી જાય છે. ક્ષણોનું મૅનેજમૅન્ટ સદીનું નિર્માણ કરી શકે છે.
જિંદગી જીવવી એ આર્ટ હોય, તો મૅનેજમૅન્ટ અને બિઝનેસને કઈ રીતે ‘લાઇવ’ રાખવાં એ ફાઇન આર્ટ છે. આવું, આર્ટ અને ફાઇન આર્ટનું ઝીણું ઝીણું નકશીકામ આપને આ પુસ્તકના પાને પાને જોવા મળશે.