Shudravtar

જે ક્ષણે જ્ઞાન ઉપેક્ષિત થાય છે એ જ ક્ષણે સમાજની અધોગતિનો ગર્ભ બંધાઈ જાય છે. ઉપેક્ષિત અને અપમાનિત જ્ઞાનની નિ:શબ્દ ચીસ દશે દિશાઓને ધ્રુજાવી દે છે. વિદુર ધૃતરાષ્ટ્ર અને પાંડુનો નાનો ભાઈ છે. જ્ઞાન અને ધર્મનો અવતાર છે. મહાભારતયુગના વ્યાસ પછીના સૌથી જ્ઞાની અને ઉદાત્ત મહાપુરુષ વિદુરને અને તેમના જ્ઞાને, દાસીપુત્ર હોવાના એકમાત્ર નિમિત્તે ઉપેક્ષિત થવું પડે છે એ ‘સમય’ની અને ‘સમાજ’ની કરુણતા છે. વ્યક્તિની ઉપેક્ષા કરનારને કદાચ સમય માફ કરી દે, પણ જ્ઞાનની ઉપેક્ષા કરનારને સમય ક્યારેય માફ નથી કરતો.