Vicharyatra

બુદ્ધિ શું શાલ-દુપટ્ટો છે કે તમારી ઇચ્છા કે સગવડ મુજબ ઉતારતા-ચઢાવતા રહો? બુદ્ધિ તો ઈશ્વરે આપેલું અદ્ભુત સાધન છે. એને ખતમ કરી ન શકાય, એનું રૂપાન્ત થઈ શકે.
* * *
કહેવાતા મહાન ધર્મો કે સંપ્રદાયો માણસનાં મિથ્યાભિમાન, એકલતા, બિનસલામતી સૂચવતાં બહાનાં માત્ર છે. યાદ રહે, મંદિર-મસ્જિદ-ચર્ચ પર પ્રતિબંધ મૂકશો તો માણસ રંગ, ભાષા અને પ્રાંતને નામે લડશે.
* * *
અહંકાર જ તો આ વિશ્વનું ચાલકબળ છે, આપણામાં રહેલો ઈશ્વરનો પ્રતિનિધિ છે. અહંકારના નાશની વાતો ફીફાં ખાંડવાવાળી નિરર્થક બકબક છે. અહંકારનું રૂપાન્તર થઈ શકે, નાશ નહીં.