Soneri Dhumketu No Pichoo

જૂલે વર્નની વાર્તાની ખૂબી એ છે કે જો વાર્તા દરિયાથી શરૂ થાય તો દરિયામાં જ રહે છે. આકાશથી શરૂ થાય તો આકાશમાં જ રહે છે. પૃથ્વીના પેટાળથી શરૂ થાય તો પાત્રો મોટે ભાગે ત્યાંની દુનિયાનો પરિચય આપે છે, વાર્તા બલૂનની હોય તો બલૂનમાં જ ઊડતી હોય છે, વાર્તા પ્રવાસની હોય તો સતત પ્રવાસીકથા જ રહે છે – પ્રવાસના બધાં વાહનો સાધનો સહિત, વાર્તા ધૂમકેતુની રહે છે તો સતત ધૂમકેતુની સાથે જ ઘૂમે છે.
આ પુસ્તકની મુખ્ય કરામત એ છે કે એની વાર્તાઓ બધી ઉંમરના વાચકો માટે છે. બાળકિશોર તરુણો તો વાંચી જ શકે પણ પુખ્તો પ્રૌઢો પણ તેમાં એટલો જ રસ લઈ શકે. વિદ્યાર્થીઓ, શિક્ષકો, લેખકો, અધ્યાપકો, વેપારીઓ, વૈજ્ઞાનિકો બધાંને જ આકર્ષવાની એની ક્ષમતા છે.