Statue Of Unity

સરદાર વલ્લભભાઈ પટેલની અસરદાર અને અસરકારક ભૂમિકાને કારણે જ એક અખંડ ભારતનું નિર્માણ થયું. તેમની ભૂમિકાને સલામ કરવા માટે જ સ્ટેચ્યુ ઑફ યુનિટીનું નિર્માણ કરવામાં આવ્યું એમ કહી શકાય. દુનિયાની સૌથી ઊંચી પ્રતિમા એક ગુજરાતીની હોય અને એ પણ ગુજરાતમાં જ હોય ત્યારે સૌ ગુજરાતી ગૌરવ અનુભવે જ. પણ આ ગૌરવ ત્યારે જ અનુભવી શકાય જ્યારે દરેક ગુજરાતી સરદાર સાહેબ અને તેમની પ્રતિમા ‘સ્ટેચ્યુ ઑફ યુનિટી’ વિષે વિશેષ જાણતો હોય. બિનગુજરાતી કોઈ વ્યક્તિ એક ગુજરાતી તરીકે તમે સરદાર વિષે કે સ્ટેચ્યુ ઑફ યુનિટી વિષે શું જાણો છો એમ પૂછે ત્યારે ગૌરવભેર તમે જવાબ આપી શકો માટે આ પુસ્તક લખવામાં આવ્યું છે. સૌ વાચકોને આ પુસ્તક દ્વારા સરદાર સાહેબ અને સ્ટેચ્યુ વિષે ઘણી અવનવી માહિતી મળશે તેવો એક ગુજરાતી તરીકે વિશ્વાસ છે. દરેક ગુજરાતીના ઘરમાં આ પુસ્તક હોવું જ જોઈએ તેવી અપેક્ષા.